كأس الأتحاد الأفريقي ( الكونفدرالية 2012 م )

بداية نستاذن الاخ ياسر كنينه لنطل عليكم من بوابته الحبيبة وننقل التعازي لجمهور المريخ في وداعهم المر لكاس الاتحاد الافريقي ( الكنفدرالية ) بعد ان منو نفسهم بالكاس الافريقي واجتهدوا في اختيار الاهلي ام الترجي في كاس السيوبر ناسين بان ارتياد العلي ليست بالامنيات فقط . وكانت المحطة الاخيرة ربع النهائي بامر الحضري الذي استقبل في المطار استقبال الفاتحين ويمكن يادوب يفهموا ان ملصة الحضري هو الوداهم في ستين حيث لا نفعهم تصدر المجموعة ولا دولارات الحكام في المباراة الاخيرة مع الهلال وبكرة نفرح بالهلال باذن واحد احد

هلا بالاستاذ محمد حسن ( فرحان وشمتان ) ،،، منور الرياضيه بعد الغيبة ...
المريخ ودع باقدام لاعبيه الذين استهانوا بالخصم ونسوا ان احترام الخصم اول طريق للفوز عليه ,,, ولو كان بيدفع دولارات كنا في النهائي ,, ..
اليوم يدافع الهلال عن الكره السودانيه واتمني من كل قلبي ان يتأهل ويحرز البطوله عشان نرتاح من الهلالاب ,,, ..

ودع الهلال البطوله بركلات الترجيح ,,, ( النهائي لكاس الاتحاد الافريقي بين دجوليبا المالي وليوبار الكونغولي )

اقتباس : المشاركة الأصلية كتبت بواسطة محمد حسن عبدالحميد [ مشاهدة المشاركة ]

وبكرة نفرح بالهلال باذن واحد احد

والله يا استاذ محمد حسن نحن المريخاب او انا المريخابي فرحان ومبسوط ,, إنتو كيف ؟ فرحانيين ولا منتظريين بكره لسع ,,, ...هههههههه هههههههههه

إتلمّ التعيس على خايب الرجا ، وهكذا الكره السودانيه دوماً وكلّ يوم إنتكاسه جديده وسقوط جديد .

كلّ الود والتقدير أخى ياسر وشاكرين على همتك ونشاطك .

شايف أمين كمه فى البلد بس ما عندنا تلفوناتو وكمان الكابتن أمير صالحين منوّر السودان فى إجازه قصيره وبالأولاد بس شايف الناس إنشغلت بدوامة الحياه .

صدق ود الخال فيصل ..اتلم التعيس علي خايب الرجاء

قبل قليل جينا من استاد الملك فهد .. بعد مشاهدة درة الملاعب

ميسي ..فريق الارجنتين ضد المنتخب السعودي وتعادلوا

صفر صفر ..وكان معي الاخ الشفيع البشير ..الفريق الذي

واجه الارجنتين ..كلهم شباب صغار ..والله لعب يبيض الوجه ويرفع الراس

مش جماعتنا يجو يلعبوا ب يوسف محمد ..والعجب ..وكمان يحلموا

انهم يشيلوا الكاس ...حاجه تقرف ..كرهونا الكورة زاتها ....

اخوتي الافاضل ياسر و محمد حسن و فيصل و عوض سالي
تحياتي واشواقي ،،، و كل سنه وانتو طيبين
و الله حقيقة انتو طيبين خالص ،،،، انتو لسع بتتفرجوا على الكورة السودانية !!!!! صدقوني الخمج الحاصل في الرياضة السودانية عامة هي حبة من سلسلة طويلة من الفشل و الخمج في كافة مناحي الحياة السودانية ، السياسية و الاجتماعية والثقافية و الفنية .
صدقوني انا يوم مباراة الهلال والمريخ الاخيرة كنت بتفرج في مباراة في الدوري القطري بين الوكرة و الغرافة و كنت مستمتع غاية الاستمتاع و لم اعرف نتيجة مباراة هلال مريخ الا في اليوم الثاني من خلال المنتدى .
يلاااااااا بلا لمة
سري سونا

سبحان الله .. جماهير الهلال تخرج الشارع ابتهاجاً بخروج المريخ وجماهير المريخ تخرج الشارع ابتهاجاً بخروج الهلال .. كدا نقول مبروك للشعب السوداني خروج الهلال والمريخ

اقتباس : المشاركة الأصلية كتبت بواسطة تاج السر محمد صالح خليل [ مشاهدة المشاركة ]

اخوتي الافاضل ياسر و محمد حسن و فيصل و عوض سالي تحياتي واشواقي ،،، و كل سنه وانتو طيبين و الله حقيقة انتو طيبين خالص ،،،، انتو لسع بتتفرجوا على الكورة السودانية !!!!! صدقوني الخمج الحاصل في الرياضة السودانية عامة هي حبة من سلسلة طويلة من الفشل و الخمج في كافة مناحي الحياة السودانية ، السياسية و الاجتماعية والثقافية و الفنية . صدقوني انا يوم مباراة الهلال والمريخ الاخيرة كنت بتفرج في مباراة في الدوري القطري بين الوكرة و الغرافة و كنت مستمتع غاية الاستمتاع و لم اعرف نتيجة مباراة هلال مريخ الا في اليوم الثاني من خلال المنتدى . يلاااااااا بلا لمة سري سونا

........................

والله احسنت يا سري ..عندي صديق شخصي لي في الرياض هنا ..كان مرضان بالكورة

واعتزل المتابعه نهائي ..فبيقول لي نفس كلامك ..بالله هم ناجحين في شنو شان ينجحوا

في الكورة ...شئ حقيقة يجيب الاحباط ...لك التحيه حبيبنا سري وللاسرة

دجوليبا المالي يتعادل مع ضيفه ليوبار الكونغولي 2/2 في ذهاب نهائي الكونفدراليه ...

حقق ليوبار الكونغولي كاس الاتحاد الافريقي لاول مره بعد فوزه علي ديجوليبا المالي 1/2 ...