نكات حلفاوية

() حلفاوى مشهور بالكرم . شاف سيارات المطافئ ، وصلوا عندو و سألوه فى بلاغ كاذب بوجود حريق عندكم ، قالهم خلاص ما دام وصلتوا عندنا نضيفكم ، و نادى ولدو : يا ولد ولع لهم الراكوبة دى عشان يطفوها () إتنين عيال حلفاوين ، واحد قال للتانى : أبوى جاب أمبارح غسالة جديدة ، رد عليه التانى بس ما تقسل فيها جلابيتك الوسخانة دى لأن بيضرب فيوز الكهرباء فى القربة () حلفاوى عندو ولد وحيد أسمه حمادة شين شيانة بطالة ، عندهم عرس جنب بيتهم و الحفلة شقالة ، حمادة جوة يسرح فى شعرو أمام المرايا ، أمه نادته ، ما تطلع الحفلة بدأت ، حمادة جنب المرايا يتكلم مع نفسه : بالله ده شكل تسموه حمادة ما كان تسمونى تبن () إمام مسجد بيطول فى خطبة الجمعة ، المصلين أشتكوه للأوقاف ، شالوه و جابوا حلفاوى مكانه و حذروه من تطويل الخطبة ، دخل الحلفاوى المسجد و صعد المنبر و قال : سمعتوا قصة سيدنا يوسف ، المصلين قالوا : نعم . الحلفاوى إلتفت إلى المؤذن ، و قاله : أقم الصلاة ، بعد الصلاة إستوقفهم و قال لهم : سمعتوا قصة سيدنا موسى ، قالوا نعم : قالهم ما تجوش الجمعة الجاية () حلفاوى من أحد قرى الإسكان ، جاء سوق حلفا لأول مرة فى حياته ، شاف إرسال التلفزيون و قال لصحبه همد : أنت عارف يا همد المصيبة ده كان وقعت بيقتل الناس لحد سوق الخضار () حلفاوى مغترب فى أحد دول الخليج ، واحد من إخوانه جننوا جن عشان يطلعوا من السودان و ما عندو أى شهادة ، أخوه تعب و أخبر كفيله ، و جابوه و بمجرد وصوله أرسلوه لمزرعة بعيدة من المدينة ، المسكين قاعد لوحده و فى نهاية الأسبوع ، زاره أخوه . و سأل أخوه أنتو فى البلد دى ما عندكم أكل ؟ أخوه قاله ليه ؟ قاله أنا مما وصلت ما بيجبولى إلا الموز ؟ أخوه قاله عشان تآمن أسكت ساكت و كل الموز لانى جايبك بفيزة قرد () و لكم التحية

مشكور اخي حسين على النكات الجميلة والله يديك الصحة والعافية .....

وما يحرمنا من نكتك الرائعة ......

مع تحيا تي بشير ابوزيد

الأخ بشير : بوجودكم ساحة المنتدى دائمآ منورة ، أشكرك و كل عام و أنتم بخير .

يسلموو ع النكات الحلوة ولا تحرمنا من ابداعاتكـ...
وكل عام وانت بخييير..
شوشو